Azərbaycanda televiziya və onlayn media sahəsində fəaliyyət göstərən gənc jurnalistlər üçün “TV və canlı jurnalistika” mövzusunda təlim proqramına start verilib.
Doğru.az xəbər verir ki, təlimin məqsədi gənc media nümayəndələrinin praktik bilik və peşə bacarıqlarını artırmaq, həmçinin canlı efir, reportaj və studiya çıxışları üzrə təcrübələrini təkmilləşdirməkdir.
Proqram çərçivəsində iştirakçılar tanınmış televiziya aparıcıları, redaktorlar və media ekspertləri ilə görüşəcək, operativ xəbər çatdırılması, efir etikası və auditoriya ilə canlı ünsiyyət kimi mövzular ətrafında müzakirələr aparacaqlar.
Təlimin sonunda iştirakçılara sertifikatlar təqdim olunacaq və ən fəal gənclərin televiziya redaksiyalarında praktika keçməsi imkanı yaradılacaq.
DOĞRU.AZ
