12 noyabr Azərbaycan xalqı üçün əlamətdar tarixi gündür. Məhz bu gün, 1995-ci ildə, ümumxalq səsverməsi nəticəsində müstəqil Azərbaycanın ilk Konstitusiyası qəbul edilmişdir. Bu hadisə ölkəmizin müstəqilliyinin möhkəmlənməsində və hüquqi dövlətin əsaslarının formalaşmasında mühüm rol oynamışdır.
Konstitusiya dövlətin ali qanunu olmaqla yanaşı, cəmiyyətin əsas qaydalarını, vətəndaşların hüquq və azadlıqlarını, dövlət orqanlarının fəaliyyət prinsiplərini müəyyən edir. Onun qəbulu ilə Azərbaycan demokratik, hüquqi və dünyəvi dövlət kimi inkişaf yoluna qədəm qoydu.
Ulu Öndər Heydər Əliyevin rəhbərliyi ilə hazırlanan bu sənəd xalqın iradəsini, milli dəyərlərimizi və dövlətçiliyimizin təməl prinsiplərini özündə əks etdirir. Hər il 12 noyabr – Konstitusiya Günü ölkəmizdə böyük qürur hissi ilə qeyd olunur və vətəndaşlarda qanuna hörmət, dövlətə sədaqət duyğusunu gücləndirir.
Qulamov Elşən
