Türkiyə Hərbi Hava Qüvvələrinə məxsus C-130 hərbi yük təyyarəsi Gürcüstanın Azərbaycanla sərhədi yaxınlığında qəzaya uğrayıb və nəticədə göyərtədəki bütün heyət həlak olub. Ajans.az xəbər verir ki, təyyarə radarlardan itməzdən və Gürcüstanın Siqnaqi bölgəsinin dağlıq ərazisinə düşməzdən əvvəl qərbi Azərbaycanın Gəncə Beynəlxalq Hava Limanından qalxıb. AnewZ-in əldə etdiyi eksklüziv məlumata görə, təyyarə uçuşdan əvvəl Gəncə Hava Limanında təxminən iki saat qalıb. Bu müddət ərzində heyət təyyarənin yaxınlığında lazımi texniki xidmət və hazırlıq işləri aparıb. Bildirilir ki, üçüncü tərəflərin əraziyə daxil olmasına icazə verilməyib və bütün təhlükəsizlik protokollarına əməl edilib. İlkin müşahidələr onu deməyə əsas verir ki, təyyarənin korpusunda hər hansı kənar təsir izi yoxdur.
