ABŞ prezidenti Donald Tramp tezliklə Braziliya qəhvəsinə tarifləri yenidən nəzərdən keçirə və ya ləğv edə bilər.
Busaat.az xəbər verir ki, bu barədə “CNN Brasil” məlumat verib.
Kofe tarifinin ləğvi Braziliyanın xarici işlər naziri Mauro Vieyra ilə ABŞ dövlət katibi Marko Rubio arasında cümə axşamı Vaşinqtonda keçiriləcək görüşdə əsas müzakirə mövzularından biri olacaq.
Adı açıqlanmayan amerikalı və braziliyalı diplomatların sözlərinə görə, Rubionun özü güman ki, tarifin qaldırılması məsələsini qaldıracaq, çünki Tramp artıq ABŞ-da qəhvə qiymətlərini aşağı salmaq üçün tez hərəkət etməyi tələb edib”
Görüşün iki ölkə arasında yeni ticarət sazişinin hazırlanması ilə nəticələnəcəyi gözlənilir. Onun nəticəsi dekabrda Ağ Evlə Braziliya prezidenti Luiz İnasio Lula da Silva arasında keçiriləcək potensial görüş zamanı açıqlana bilər. Bu danışıqların yeri və tarixi hələ açıqlanmayıb.
Yeganə
