TRIPP layihəsi avqustun 8-də Vaşinqtonda keçirilən Sülh Sammitinin nəticəsi olaraq ortaya çıxdı. Bizim görəcəyimiz və hazırda onun üzərində işləyəcəyimiz ilk addım da layihənin necə həyata keçiriləcəyini nümayiş etdirməlidir. Bu, belə demək mümkünsə, yazılı normativ bazanın yaradılmasını nəzərdə tutur.
"Yeni Sabah" news.am-a istinadla xəbər verir ki, bunu Ermənistanın Baş naziri Nikol Paşinyan İrəvanda keçirilən “Sülh kəsişməsi: Regional kommunikasiyaların inkişafı” konfransında çıxışı zamanı bildirib.
"Əslində, bu çərçivənin yaradılmasında birinci mərhələ ümumi çərçivəni təsvir edən Vaşinqton Bəyannaməsidir. Növbəti mərhələ Ermənistan və ABŞ tərəfindən "TRIPP" şirkəti adlı hüquqi şəxsin yaradılması olacaq.
Bu, Ermənistan və ABŞ-nin birgə təsis etdiyi şirkət olacaq və onu Direktorlar Şurası idarə edəcək. Şurada həm Ermənistan, həm də ABŞ təmsil olunacaq. Təbii ki, səhmlərin Direktor Şurasında bölüşdürülməsi də səhmlərin faizindən asılı olacaq ki, bu da hazırda müzakirə olunur. Amma strateji əhəmiyyət kəsb edən məsələlərdə həlledici səs Ermənistanın olacaq", - Paşinyan vurğulayıb.
Telegram kanalımız
