BAKI, 14 noyabr. TELEQRAF
“Yaponiya ilə Şimali Koreya arasında yeni və səmərəli münasibətlər qurmaq üçün Şimali Koreya lideri Kim Çen In ilə şəxsən görüşməyə hazıram”.
Teleqraf xəbər verir ki, bunu Yaponiya Baş naziri Sanae Takaiçi deyib.
“Yaponiya və Şimali Koreya arasında yeni, məhsuldar münasibətlər yolunda Kim Çen In ilə şəxsən görüşməyə ümid edirəm, müxtəlif şəraitdən asılı olaraq cəsarətli addımlar atmağa və konkret nəticələr əldə etməyə hazıram. Baş nazir olduğum müddətdə irəliləyiş əldə etməkdə qətiyyətliyəm və heç bir variantı istisna etmirəm”, - o bildirib.
