Azərbaycan Prezidenti İlham Əliyevlə ukraynalı həmkarı Volodimir Zelenski arasında telefon danışığı olub.
Missiya.Az xəbər verir ki, bu barədə Ukrayna lideri özünün “Facebook” sosial media hesabında məlumat yayıb.
O bildirib ki, İlham Əliyevə Ukrayna xalqına verdiyi dəstəyə və başsağlığına görə minnətdaram.
“Ötən gecə ruslar tərəfindən ukraynalılara qarşı yüzlərlə dron və raket, o cümlədən ballistik raketlərdən istifadə edilib. Təəssüf ki, dağıntılar və ziyan var, o cümlədən Azərbaycan səfirliyinə də ziyan dəyib. Cənab Prezident İlham Əliyev bu hücumu pislədi və vurğuladı ki, Rusiya tərəfi səfirlik binasını və Azərbaycanla əlaqəli digər obyektləri bir neçə dəfə hədəfə alıb”, - deyə siyasətçi vurğulayıb.
Zelenski qeyd edib ki, biz həmçinin ikitərəfli münasibətlərimizi və tərəfdaşlığımızın inkişafını müzakirə etdik.
Daşqın HəsənovMissiya.Az
