İrlandiya millisinin baş məşqçisi Heimir Hallqrimsson ötən gün DÇ-2026-nın seçmə mərhələsində Portuqaliya ilə matçda rəqibinin hücumçusu və kapitanı Kriştiano Ronaldonun qırmızı vərəqə almasına toxunub.
QOL.az xəbər verir ki, mütəxəssis həmin epizodda 40 yaşlı forvardın ona nə dediyini açıqlayıb:
"O, hakimə təzyiq göstərdiyim üçün mənimlə mübahisə etdi. Məhz Ronaldonun meydandakı hərəkətləri qırmızı vərəqə ilə nəticələndi. Mənim bununla heç bir əlaqəm yox idi".
Xatırladaq ki, Ronaldo görüşün 59-cu dəqiqəsində meydandan qovulduqdan sonra İrlandiya yığmasının baş məşqçisi ilə şifahi mübahisə edib.
