ABŞ prezidenti Donald Tramp deyir ki, ABŞ-ın 42-ci prezidenti Bill Klintondan fərqli olaraq, o, heç vaxt pedofiliyada ittiham olunan maliyyəçi Ceffri Epşteynə məxsus adaya baş çəkməyib.
Musavat.com xəbər verir ki, o, jurnalistlərin suallarını cavablandırarkən bu barədə danışıb: "Mən heç vaxt onun adasına getməmişəm. Bill Klinton 28 dəfə ora baş çəkib".
Amerika lideri əmindir ki, demokratlar diqqəti öz uğursuzluqlarından və Tramp administrasiyasının uğurlarından yayındırmaq üçün Epşteyn işini qəsdən təbliğ edirlər: "Bu, Demokratların saxtakarlığıdır və onlar bundan diqqəti qapanmadakı məğlubiyyətlərindən və prezident seçkilərindəki məğlubiyyətlərindən yayındırmaq üçün istifadə etməyə ümid edirlər. Onlar seçkiləri uduzdular, ştatları uduzdular, hər şeyi itirdilər. Epşteyn işini müzakirə etmək diqqəti respublikaçıların uğurlarından yayındırır. Əgər [
mənə qarşı bir şeyləri olsaydı, seçkilərdən əvvəl bundan məmnuniyyətlə istifadə edərdilər".
Musavat.com
