Venesuela prezidenti Nikolas Madurо ABŞ vətəndaşlarına birbaşa müraciət edərək Donald Trampın siyasətini dayandırmağa çağırıb.
Musavat.com-un məlumatına görə Maduro bəyan edib ki, Trampın Cənubi Amerika və Karib hövzəsində “bombardıman, qətl və müharibə hədələri” region üçün ciddi təhlükə yaradır.
“ABŞ xalqına müraciət edirəm: bu dəli qərarları dayandırın. Müharibəni dayandırın — müharibəyə yox! Amerika üçün fəlakətin qarşısını almaqda həlledici rol məhz ABŞ xalqının üzərinə düşür”, — deyə o bildirib.
Prezident regionda genişmiqyaslı münaqişənin qarşısını almağın yalnız ictimai təzyiq və birgə səylərlə mümkün olduğunu vurğulayıb.
Musavat.com
