Günəşdə güclü partlayış baş verib.
Milli.Az xəbər verir ki, 15 noyabra keçən gecə baş verən M sinifinə aid olan bu partlayışın 12 dəqiqə davam etdiyi bildirilib.
Məlumata görə, alimlər bir gün əvvəl son 20 ildə ilk dəfə Yer səviyyəsində "planetar miqyaslı" maqnit qasırğasını qeydə alıblar.
Qeyd olunub ki, G5 səviyyəli maqnit qasırğaları kifayət qədər nadir hallarda baş verir. Sonuncu dəfə bu cür hadisələr 2003-2005-ci illər arasında ardıcıl üç il ərzində qeydə alınmışdı. Sonrakı illərdə maqnit qasırğalarının səviyyəsi əsasən G4-ə qədər dəyişib.
Alimlər izah ediblər ki, belə yüksək səviyyəli maqnit pozuntuları zamanı Yer üzərində transformatorlar və enerji sistemləri zədələnə bilər, kosmik aparatlarda isə geolokasiya və peyk rabitəsi ilə bağlı problemlər yarana bilər.
Mina Mikayılova
Milli.Az
