ain.az, Azertag saytına istinadən bildirir.
Berlin, 15 noyabr, AZƏRTAC
Bu ilin üçüncü rübündə Avropa İttifaqında (Aİ) iqtisadiyyatın bütün sektorlarında yeni biznes qeydiyyatlarının sayı əvvəlki rüblə müqayisədə 4 faiz artıb. Eyni zamanda, müflisləşmə ilə bağlı müraciətlərin sayı da ikinci rüblə müqayisədə 4,4 faiz çoxalıb.
AZƏRTAC xəbər verir ki, bu barədə Aİ-nin Statistika İdarəsinin (Eurostat) hesabatında bildirilib.
Yeni biznes qeydiyyatlarında ən yüksək artım informasiya və kommunikasiya sektorunda qeydə alınıb – 6 faiz. Bu sektoru tikinti (5,9 faiz) və nəqliyyat (5,5 faiz) izləyib.
Ən çox müflisləşmənin qeydə alındığı sektorlar yaşayış və iaşə xidmətləri (20,7 faiz), nəqliyyat (18,7 faiz) və maliyyə xidmətlərində (14,1 faiz) olub. Bu kateqoriyada informasiya və kommunikasiya (4,8 faiz), tikinti (3,1 faiz) və sənaye (0,1 faiz) sektorlarında azalmalar müşahidə edilib.
Elvin Mövsüm
AZƏRTAC-ın xüsusi müxbiri
Berlin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
