Ayna saytından alınan məlumatlara görə, ain.az xəbər verir.
“Rusiya neft satdığı müddətcə müharibəni davam etdirmək üçün pulu var"
ABŞ Prezidenti Donald Tramp Rusiyanın Ukraynaya qarşı müharibəsini "qan gölü" adlandıraraq, İkinci Dünya müharibəsindən bəri belə genişmiqyaslı silahlı münaqişənin olmadığını iddia edib. AYNA.AZ-ın məlumatına görə, Tramp Britaniyanın “GB News” telekanalına verdiyi müsahibədə Ukraynadakı müharibəyə toxunarkən deyib ki, Ağ Evə qayıtdıqdan bəri "səkkiz müharibəni" həll edib.
"Hələ bir müharibə qalıb" deyən ABŞ Prezidenti Ukraynadakı müharibəyə son qoymağın əslində daha asan olacağını düşündüyünü qeyd edib: "Hələ həll etmədiyim tək şey Rusiya və Ukrayna müharibəsidir. Ümid edirəm ki, bu müharibə tezliklə bitəcək. Bunun üçün ABŞ Rusiyaya güclü təzyiq göstərir. Xüsusən də Hindistan və digər ölkələri Rusiya neftini almağı dayandırmağa məcbur etmişik. Hindistan indi geri çəkilir, digərləri də geri çəkilir. Çünki Rusiya neft satdığı müddətcə müharibəni davam etdirmək üçün pulu var".
Qeyd edək ki, ötən ay Tramp Budapeştdə Rusiya Prezidenti Vladimir Putinlə əvvəlcədən elan edilmiş görüşü ləğv edib və bundan sonra ABŞ Rusiyanın ən böyük neft şirkətləri olan “Rosneft” və “Lukoil”a sanksiyalar tətbiq edib. Lakin ABŞ vasitəçi rolundan çəkildiyini açıqlamayıb və Vaşinqton hələ də Trampla Putin arasında gələcək görüşü istisna etmir.
Sanksiyalardan danışan ABŞ dövlət katibi Marko Rubio qeyd edib ki, Vaşinqton Rusiya iqtisadiyyatına qarşı yeni sanksiyalar tətbiq etmək üçün variantları tükənir. ABŞ administrasiyasının fikrincə, ABŞ-ın hələ də belə variantları var, xüsusən də Rusiyanın enerji təchizatını qəbul etməkdən imtina etmək və neft daşıyan kölgə donanmasına sanksiyalar tətbiq etmək kimi.
Daha ətraflı məlumat və yeniliklər üçün ain.az saytını izləyin.
