Tbilisidə 30 qeyri-qanuni miqrant saxlanılıb.
İnterpress.az xəbər verir ki, bu barədə Gürcüstan hüquq-mühafizə orqanları məlumat yayıb. Tbilisidə ictimai iaşə və çatdırılma xidmətlərində çalışan 30 nəfər qeyri-qanuni miqrant saxlanılıb.
Xüsusi əməliyyat və yoxlamalar nəticəsində Hindistan, Çin, Nigeriya, Türkiyə, Pakistan, Kamerun, Sudan, Nepal, Keniya və Şri-Lankadan olan şəxslər müəyyən edilərək tutulub.
Araşdırma göstərib ki, onlar Gürcüstanda miqrasiya tələblərini pozaraq qanunsuz şəkildə yaşayırdılar.
Bütün saxlanılanlara qarşı deportasiya proseduru başladılıb.
Xuraman Etibarlı
İnterpress.az
