Yaponiya lisenziya əsasında Yaponiyada istehsal olunan “Patriot” raket ələ keçirən qurğuları ABŞ-a ixrac edib.
Busaat.az xəbər verir ki, bu barədə “Kyodo” Xəbər Agentliyi məlumat verib.
Vaşinqton daha əvvəl raketlərin Ukraynaya ötürülməsi nəticəsində yaranan çatışmazlığı ödəmək üçün Tokiodan belə tədarük tələb etmişdi.
Noyabrın əvvəlində artıq ötürülən raketlərin sayı açıqlanmır. Kyodo agentliyinin məlumatına görə, Yaponiya Müdafiə Nazirliyi raketlərin ABŞ hərbi hissələrinə, o cümlədən Asiyada yerləşən hərbi hissələrinə göndəriləcəyinə və üçüncü ölkələrə verilməyəcəyinə əmin olub.
Yaponiya 2023-cü ilin sonunda müdafiə ixracı qaydalarını yüngülləşdirərək, ABŞ-a Patriot raketdən müdafiə sistemi üçün raketlər tədarük etməyə icazə verdi.
Yeganə
