ain.az, Azertag saytından verilən məlumata əsaslanaraq xəbər yayır.
Bakı, 20 noyabr, AZƏRTAC
Azərbaycanda 4036 ümumi təhsil müəssisəsi fəaliyyət göstərir. Həmin məktəblərin böyük hissəsində şagird sayı 1000-dən azdır. Ölkə üzrə ondan az şagirdi olan 94 məktəb var. Bu rəqəm 20 şagirddən az olan məktəblərdə 247-yə, 30 şagirddən az olanlarda isə 401-ə yüksəlir. Ümumilikdə isə şagird sayı 100-dən az olan məktəblərin sayı artıq 1241-dir.
AZƏRTAC xəbər verir ki, bu fikirləri elm və təhsil naziri Emin Əmrullayev İTV-nin “Diqqət mərkəzində” verilişində deyib.
Nazir bildirib ki, ölkədə şagird sıxlığı 150-dən az olan təhsil müəssisələrinin sayı 1812-dir: “200-dən az şagirdi olan məktəblərin sayı 2175-ə çatır. 500-dən az şagirdi olan məktəblərin sayı isə artıq 3147-dir”.
Ən son xəbərləri və yenilikləri almaq üçün ain.az saytını izləyin.
