20 noyabr 2025-ci il tarixdə YAP Qazax rayon təşkilatının Qazax - Tovuz Regional Təhsil İdarəsinin Qazax rayonu üzrə Təhsil sektorunun tabeçiliyində fəaliyyət göstərən Uşaq Gənclər İdman Şahmat Məktəbinin birgə təşkilatçılığı ilə yeniyetmələr arasında şahmat idman növü üzrə Tempo turnir keçirilib. Turnirdə 38 şahmatçı mübarizə aparıb.

aia.az xəbər verir ki, tədbirin əvvəlində iştirakçılar müstəqil Azərbaycanın yaradıcısı və qurucusu Ulu Öndər Heydər Əliyevin büstünü ziyarət edərək, önünə tər çiçək dəstələri düzüblər və Ulu Öndərin əziz xatirəsinə hörmət və ehtiramlarını bildiriblər.

Tədbiri Qazax - Tovuz Regional Təhsil İdarəsinin nəzdində fəaliyyət göstərən Uşaq Gənclər İdman Şahmat Məktəbinin direktor əvəzi Nizami Hüseynov açaraq tədbirin məqsəd və mahiyyəti barədə ətraflı məlumat verib.

YAP Qazax rayon təşkilatının sədri Anar Nəbiyev görkəmli siyasi və dövlət xadimi Ümummilli Lider Heydər Əliyevin şərəfli və mənalı ömür yolundan, misilsiz xidmətlərindən ətraflı danışaraq, əsası Ulu Öndər Heydər Əliyev tərəfindən qoyulan ölkəmizdə idmana və gənclərə göstərilən diqqət, qayğıdan da geniş bəhs edib. Rayon təşkilatının sədri qeyd edib ki, Ümummilli Lider Heydər Əliyevin respublikamıza rəhbərlik etdiyi illər ərzində şahmatın inkişafının daim diqqət mərkəzində saxlanılması, Azərbaycanın hər yerində şahmat məktəblərinin açılması yeni - yeni istedadların aşkara çıxarılmasında və onların müxtəlif miqyaslı yarışlarda ölkəmizi layiqincə təmsil etmələrində mühüm rol oynayıb. Sevindirici haldır ki, əsası Ulu Öndər Heydər Əliyev tərəfindən qoyulan gənclərə, idmana, şahmata olan yüksək diqqət və qayğı bu gün Möhtərəm Prezident İlham Əliyev cənabları tərəfindən uğurla davam etdirilir.

Sonda YAP Qazax rayon təşkilatının sədri Anar Nəbiyev qalibləri, onların müəllim və məşqçilərini, tədbirdə iştirak edən valideynləri təbrik edərək onlara ən xoş arzularını bildirib.

Turnirdə müxtəlif yaş qrupları üzrə 1-ci, 2-ci, və 3-cü yerləri tutan yeniyetmə şahmatçılara YAP Qazax rayon təşkilatı tərəfindən fəxri fərmanlar və hədiyyələr təqdim edilib.

• Qazax
• Yeni Azərbaycan Partiyası
• Təsis Olunma
• Şahmat Turniri