Böyük Britaniya Rusiyanın “Yantar” okeanoqrafik gəmisinin nəzarətini gücləndirib. Müdafiə naziri Con Hillinin sözlərinə görə, gəmi Şotlandiyanın şimalındakı daxili sular yaxınlığında müşahidə olunub.
Müdafiə üzrə dövlət katibinin müavini Alistair Karnes Parlamentdə Britaniya hərbçilərinin gəmiyə daimi nəzarət quracağını və onun missiyasını maneəsiz yerinə yetirməsinin qarşısını alacağını açıqlayıb. “Yantar”ı izləmək üçün qırıcı təyyarələr, freqat və Kral Dəniz Qüvvələrinin sualtı qayığı yerləşdirilib. Britaniya tərəfi gəminin sualtı rabitə kabellərinin xəritəsini çəkdiyini və Kral Hərbi Hava Qüvvələrinin təyyarələrinə qarşı lazer şüalarından istifadə edə biləcəyini düşünür.
Rusiya səfirliyinin Londondakı nümayəndəliyi “Yantar”a qarşı ittihamları əsassız adlandırıb və Britaniya hakimiyyətini vəziyyəti gərginləşdirə biləcək dağıdıcı addımlardan çəkinməyə çağırıb. “Yantar”ən əsas missiyası dərin okeanı araşdırmaq, dərin dəniz sualtı gəmilərini idarə etmək, axtarış-xilasetmə əməliyyatları aparmaq və dəniz dibini araşdırmaq olan tədqiqat gəmisidir. Bu, 22010-cu il “Kruys” layihəsinin bir hissəsidir.
//Samir Qurbanov, Editor.az
