1939-cu il buraxılışlı nadir “Supermen” komiksi "Heritage" auksionunda 9,12 milyon dollara satılaraq tarixdə ən bahalı komiks oldu.
Kulis.az xəbər verir ki, nəşr ABŞ-da bir ailənin çardağında təsadüfən tapılıb; komiksin sahibi onu uşaq vaxtı aldığını oğullarına desə də, illərlə yerini xatırlaya bilməmişdi.
“Certified Guarantee Company” tərəfindən 9,0 bal ilə qiymətləndirilən nüsxə demək olar ki, ideal vəziyyətdədir.
Satış məbləği 2024-cü ildəki 6 milyon dollarlıq əvvəlki dünya rekordunu da geridə qoydu.
Qeyd edək ki, bu tapıntı kolleksiyaçılar üçün böyük sensasiya hesab olunur.
