Kainatın yaranışını öyrənmək üçün 1 milyon qalaktika araşdırıldı

Kainatın necə başladığını öyrənmək üçün bir milyon qalaktikanı araşdıran tədqiqatçılar yeni tapıntılara nail olublar.
Hafta.az-ın yazdığına görə, bu günədək kosmik mikrodalğalı fonun (CMB) dəqiq müşahidələri və təhlilləri soyuq qaranlıq maddənin və qaranlıq enerjinin kainatın vacib komponentləri olduğunu ortaya qoyub. Bu model ilkin dalğalanmaların ulduzlar və qalaktikalar da daxil olmaqla hər şeyin yaranmasına səbəb olduğunu irəli sürüb.
Son zamanlar bir çox tədqiqatçılar qalaktikaların formalarını öyrənməyə başlayıblar, çünki onlar ilkin tədqiqatlarının təbiəti ilə bağlı müxtəlif perspektivlər təklif edirlər.
Kavli adına Fizika və Riyaziyyat İnstitutunun və Maks Plank Astrofizika İnstitutunun bir qrup tədqiqatçısı qalaktika formalarının güc spektrlərinin ölçülməsi üçün yeni üsul hazırlayıb.
Tədqiqatçılar dünyanın ən böyük qalaktika tədqiqatı olan Sloan Digital Sky Survey (SDSS) köməyi ilə eyni vaxtda bir milyona yaxın qalaktikanın kosmosda yayılmasını və formasını araşdırıblar. Bu yolla tədqiqatçılar bütün kainatın əmələ gəlməsinə səbəb olduğu düşünülən ilkin dalğalanmaların statistik xüsusiyyətlərini əldə edə biliblər.
Hesablamalar nəticəsində iki qalaktikanın bir-birindən 100 milyon işıq ili uzaqlıqda düzüldüyü müəyyən edilib. Bu nəticə göstərib ki, bir-birindən müstəqil görünən və səbəb-nəticə etibarilə əlaqəsi olmayan uzaq qalaktikalar arasında əlaqə var. Bu əlaqələri təfərrüatlı şəkildə araşdıran tədqiqatçılar kainatın genişlənməsi nəzəriyyəsi ilə uyğunlaşdıqlarını bildiriblər.
Araşdırma oktyabrın 31-də “Physical Review D” elmi jurnalında dərc olunub.