İngiltərə Premyer Liqasının XII turunda “Lids Yunayted” öz meydanında “Aston Villa”nı qəbul edib.
90deqiqe.Az xəbər verir ki, “Elland Road” stadionunda keçirilən qarşılaşma qonaqların 2:1 hesablı qələbəsi ilə nəticələnib.
“Lids”in oyunçu Lukas Nmeça matçın 8-ci dəqiqəsində hesabı açıb. İkinci hissənin əvvəlində, 48-ci dəqiqədə Morqan Rocers tarazlıq yaradıb, 75-ci dəqiqədə isə dubla imza ataraq “Aston Villa”ya qələbə qazandırıb.
Bu nəticədən sonra “Lids Yunayted” 11 xalla turnir cədvəlinin 18-ci pilləsində qərarlaşıb. “Aston Villa” isə 21 xalla dördüncü sırada yer alır.
Növbəti turda “Lids” noyabrın 29-da səfərdə “Mançester Siti” ilə qarşılaşacaq. “Aston Villa” isə noyabrın 30-da “Vulverhempton”u qəbul edəcək.
