Ajans.az NBC News-a istinadən xəbər verir ki, hazırda 150 nəfər təcili sığınacağa ehtiyac duyur, daha 75–100 nəfərin də yardım üçün yolda olduğu bildirilir. Maunt Vernon Yanğından Mühafizə İdarəsi yanğının yuxarı mərtəbədə yerləşən bir mənzilin mətbəxində başladığını açıqlayıb. Alovlar qısa zamanda çardağa və dam konstruksiyalarına yayılaraq bütün binanın təxliyə olunmasına səbəb olub. Kompleksdə 100-dən çox mənzil var. Yanğının əsas ziyanı iki mərtəbədə qeydə alınsa da, söndürmə işləri zamanı istifadə olunan su digər bütün mərtəbələrə də ciddi zərər vurub. Maunt Vernon meri Şavin Patterson-Hovard bildirib ki, şəhər hakimiyyəti təxminən 50 kilsə ilə əlaqə saxlayıb və onlar zərərçəkənlərə geyim və ərzaq yardımı göstərəcəklər. Rəsmi açıqlamaya əsasən, Holmes İbtidai Məktəbi qarşıdakı beş gün ərzində evsiz qalan sakinlər üçün sığınacaq kimi fəaliyyət göstərəcək.

 

• Yanğın
• Yardım
• Nyu-York
• Sakinlər
• Təhlükə
• Təxliyə
• Mənzil Kompleksi