"X" sosial media platformasındakı "Whoop" hesabında 40 yaşlı Portuqaliya millisinin və "Əl-Nassr" ın hücumçusu Kriştiano Ronaldonun bioloji yaşı 28-dir.
Teleqraf xəbər verir ki, artıq futbolçunun özü də məlumatı təsdiqləyib.
"Məlumatlar yalan deyil" deyə portuqaliyalı ulduz yazıb.
Noyabrın 23-də Ronaldo Səudiyyə Ərəbistanı liqasının matçında karyerasının 954-cü qolunu vurdu . 40 yaşlı mütəxəssis meydan sahiblərinin xeyrinə 4:1 hesabı ilə başa çatan "Əl-Khaleej"lə matçın 96-cı dəqiqəsində Navaf Əl-Buşaalın ötürməsini aşırma zərbə ilə tamamlayıb.
Ronaldo milli komandaların, Avropa Çempionatlarının və Çempionlar Liqasının bütün zamanların ən yaxşı bombardiri və rəsmi oyunlarda 900 qola çatan ilk oyunçudur. O, 5 dəfə Çempionlar Liqası, 2016-cı ildə Avropa Çempionatı və iki dəfə UEFA Millətlər Liqasının qalibi olub.
Ronaldo 2006-2022-ci illərdə ardıcıl 5 Dünya Kubokunda qol vuran yeganə oyunçu olaraq qalır. Portuqaliya seçmə mərhələsini uğurla başa vurarsa, hazırkı seçmə kampaniya onun final turnirində yeddinci çıxışı ola bilər.
