Yaşlandıqca arıqlamaq niyə çətinləşir?

Yaş artdıqca bədən bir sıra fiziki və fizioloji dəyişikliklərə məruz qalır və bu da arıqlamağı əvvəlki illərə nisbətən daha çətin edir.


Pravda.az arıqlamağa mane olan əsas səbəbləri təqdim edir:


Metabolizmin sürəti yavaşlayır bədən daha az enerji yandırır.

Yaşla birlikdə əzələ kütləsi azalır, bu da istirahətdə belə daha az kalori sərf olunmasına səbəb olur.

Hormon səviyyələrində dəyişikliklər (qadınlarda estrogenin, kişilərdə testosteronun azalması) arıqlamağı çətinləşdirir.

Fiziki aktivlik adətən azalır — insanlar yaşlandıqca daha az hərəkətli olur.

Sağlamlıq problemləri, yorğunluq və həyat tərzi məhdudiyyətləri mütəmadi idman etməyə mane ola bilər.


Qeyd: Arıqlamaq yaşlandıqca çətinləşsə də, mümkünsüz deyil. Mütəxəssislər əzələ itkisinin qarşısını almaq üçün güc məşqlərinə, aktiv həyat tərzinə və balanslı qidalanmaya üstünlük verməyi tövsiyə edir.


Əminə Bayramova