BAKI, 26 noyabr. TELEQRAF
İspan kralı Filipp III-ə aid nadir qızıl sikkə Avropada keçirilən hərracda 3,5 milyon dollara satılıb.
Teleqraf xəbər verir ki, bu barədə “Numismatica Genevensis SA” hərrac evi məlumat yayıb.
Bildirilir ki, bu, Avropa hərracları tarixində satılan ən bahalı sikkə olub.
Hərrac kataloquna görə, 100 eskudo nominalına malik və ilk dəfə 1609-cu ildə Filipp III-ün göstərişi ilə kəsilmiş 339 qramlıq sikkə İspan tacı tərəfindən XVII əsrdə hazırlanmış ən böyük qızıl sikkə hesab edilir.
Bildirilir ki, bu sikkə dövriyyə üçün deyil, İspaniya krallığının zənginliyi və gücünün rəmzi kimi hazırlanıb. O, Amerikadan gətirilmiş qızılla Seneqiyada döyülüb. Sikkənin üzərində Kastiliya və Leon, Araqon, Portuqaliya, Avstriya, Burqundiya, Brabant və Habsburqların digər ərazilərinin gerbləri təsvir olunub.
Məlumata görə, Filipp III-ün göstərişi ilə 1614–1620-ci illərdə daha bir neçə oxşar sikkə də buraxılıb.
