İngiltərədə sosial xidmətlərin himayəsində olan 2 400-dən çox uşaq 2024-cü ildə itkin düşüb.
Far.Az xəbər verir ki, uşaqların bir qismi insan ticarətinə məruz qalıb və ya ölkəyə təkbaşına sığınacaq üçün gəlmişdi.
Məlumata görə, sosial xidmətlərin himayəsində olan 2 638 uşağın 864-ü, valideynsiz 12 530 uşağın isə 1 501-i itkin düşüb. Bu, müvafiq olaraq 37% və 13% deməkdir. Uşaqların bir çoxu təhlükəsiz mühitdən məhrum olub və istismar riski ilə üzləşib.
Ekspertlər uşaqların sistem tərəfindən yetərincə qorunmadığını bildirir, sığınma şəraitinin yaxşılaşdırılması və insan ticarətinə məruz qalanların müəyyən edilməsi prosesinə daha çox diqqət göstərilməsini tövsiyə edirlər.
Hökumət isə Uşaq Rifahı və Məktəblər Qanunu çərçivəsində sistemin yenilənəcəyini, təhlükəsiz sığınma, məlumat mübadiləsi və multidissiplinar qoruma qruplarının yaradılacağını açıqlayıb.
