Çempionlar Liqasının 2025/2026 mövsümünün ümumi mərhələsinin 5-ci turunda Madridin “Atletiko” klubu evdə “İnter”i qəbul edib.
90deqiqe.Az-ın məlumatına görə, “Civitas Metropolitano” stadionunda keçirilən görüşdə Madrid təmsilçisi 2:1 hesabı ilə qələbə qazanıb.
9-cu dəqiqədə Xulian Alvares meydan sahiblərini hesabda irəli çıxarıb. 54-cü dəqiqədə “İnter”in yarımmüdafiəçisi Pyotr Zyelinski tarazlığı bərpa edib. Matçın taleyi isə 90+3-cü dəqiqədə həll olunub – Xose Ximenes “Atletiko”ya qələbə gətirən qola imza atıb.
Növbəti turda Madrid klubu 9 dekabrda səfərdə PSV ilə qarşılaşacaq. “İnter” isə həmin gün doğma meydanda “Liverpul”u qəbul edəcək.
