Turistləri cəlb etmək üçün Səudiyyə Ərəbistanında daha iki spirtli içki mağazası açılacaq.
Publika.az xəbər verir ki, bu barədə "Financial Times" qəzeti məlumat yayıb.
Keçən il ilk spirtli içki mağazası paytaxt Ər-Riyadın diplomatik məhəlləsində açılıb.
Qəzet yazır ki, bundan əvvəl mühafizəkar müsəlman ölkəsi olan Səudiyyə Ərəbistanı onilliklər ərzində spirtli içkilərə qadağa qoymuşdu.
Jurnalistlərin məlumatına görə, ölkə Ciddə və Dəhran şəhərlərində daha iki spirtli içki mağazası açmağı planlaşdırır. Bu, hökumətin iqtisadiyyatı şaxələndirmək və Səudiyyə Ərəbistanının neft sektorundan asılılığını azaltmaq üçün yeni proqramının bir hissəsidir.
