Bakı, 27 noyabr, AZƏRTAC
Bizim dövlətimiz 40 ildir mövcuddur və müxtəlif təşkilatlarda təmsil olunmuşuq. Tarixə nəzər salsaq deyə bilərik ki, yanlış informasiya, əslində, hər birimizin üzləşdiyi problemə çevrilib.
AZƏRTAC xəbər verir ki, bu sözləri noyabrın 27-də Bakıda keçirilən Türk Dövlətləri Təşkilatının Media Forumunda Şimali Kipr Türk Respublikasının xarici işlər nazirinin müavini Mustafa Lakadamyalı deyib.
O vurğulayıb: “Təşkilata üzv olduqdan sonra özümüzü daha güclü hiss etdik. Biz bu təşkilat vasitəsilə daha güclü ola bilərik. Türk dünyası üçün çox işlər görə bilərik. Biz hələ istədiyimiz səviyyəyə çatmamışıq”.
