Boyu 52,6 santimetr olan “Pumukel” adlı alman atı dünyanın ən kiçik atı kimi tanınıb.
Yeniavaz.com xəbər verir ki, bu barədə məlumat “Ginnesin Rekordlar Kitabı”nın saytında öz əksini tapıb.
Məlumata görə, o, əvvəlki rekordun sahibi “Bombel” adlı Polşa atından dörd santimetr qısadır.
Ən kiçik atın sahibi Karola Veydemann bildirib ki, onu 2020-ci ildə dostu tibbi yardıma ehtiyacı olan atlar arasından tapıb.
O vaxt “Pumukel” beş aylıq olub və boyu 47 santimetrə çatıb.
Veydemann həmçinin qeyd edib ki, onun atı xüsusi olaraq yetişdirilməyib.
Kiçik boylu olmasına baxmayaraq, “Pumukel” normal boylu atlarla çox yaxşı dil tapır və sahibinə fermada kömək edir.
İşinə görə “Pumukel” yerkökü və alma alır.
