UEFA Avropa Liqasının 5-ci turunda “Fənərbaxça” doğma meydanda Macarıstanın “Ferentsvaroş” klubu ilə qarşılaşıb.
Bakıvaxtı.az xəbər verir ki, gərgin keçən qarşılaşma 1:1 hesabı ilə başa çatıb.
Qonaqlar 66-cı dəqiqədə Barnabaş Varqanın baş zərbəsi ilə hesabı açıb. Cəmi 3 dəqiqə sonra Talişka “Fənərbaxça”nın cavab qolunu vuraraq tarazlığı bərpa edib.
İstanbul təmsilçisi 79-cu dəqiqədə qələbə qoluna yaxın olsa da, Neninin zərbəsi dirəkdən qayıdıb. 90+2-ci dəqiqədə isə Con Duran birbaşa qırmızı vərəqə ilə meydandan qovulub.
Bu nəticə ilə “sarı-lacivərdlilər”in xalı 8-ə, “Ferentsvaroş”un isə 11-ə yüksəlib. Türkiyə klubu növbəti turda Norveçdə “Brann”la qarşılaşacaq
