ABŞ ordusu Venesuela sahillərində narkotik əleyhinə kampaniyasının bir hissəsi olaraq zərbə endirdiyi qayıqlarda kimin olduğunu dəqiq bilmir.
Musavat.com xarici mediaya istinadla xəbər verir ki, bu barədə “The New York Times” qəzeti məlumat yayıb.
Qəzetin məqaləsində deyilir: "Məxfi hərbi brifinqlərlə tanış olan insanların sözlərinə görə, ordu yalnız qayıqlardakı kiminsə narkotik kartelləri ilə əlaqəli olduğunu bilir və qayıqların narkotik daşıdığına dair müəyyən qədər əmindir. Lakin bu insanlar Pentaqonun bu cür zərbələr endirdiyi əksər hallarda, bəlkə də hamısında, kimi öldürdüyünü dəqiq bilmir".
Nəşr xatırladıb ki, sentyabr ayında kampaniya başlayandan bəri ABŞ qoşunları artıq 80-dən çox insanı öldürüb. Lakin qəzet vurğulayır ki, bu zərbələrin hədəfləri yüksək vəzifəli kartel liderləri olmayıb.
"Ən yaxşı halda, ABŞ qoşunları narkotik ticarətində rolu kokaini bir nöqtədən digərinə daşımaq ola biləcək adi insanları öldürdülər və ən pis halda öldürülənlərin bəziləri balıq ola bilərdi".
Musavat.com
