BAKI, 28 noyabr. TELEQRAF
İngiltərənin "Mançester Yunayted" klubu mövsümün sonunda 11 futbolçusu ilə yollarını ayıracaq.
Teleqraf xəbər verir ki, bu barədə "The Sun" qəzeti məlumat yayıb.
Mənbənin məlumatına görə, klub heyətini yeniləmək və yeni oyunçular transfer etmək üçün gəlir əldə etmək istəyir.
"Qırmızı şeytanlar" qapıçı Altay Bayındır, müdafiəçilər Harri Maquayrlə Tayrel Malasiya, yarımmüdafiəçilər Brunu Fernandeş, Kobbi Maynu, Manuel Uqarte, Kazemiro, Ceydon Sanço, eləcə də hücumçular Markus Reşford, Rasmus Höylund və Coşua Zirkzeni satmağa çalışacaq.
Hazırda Sanço "Aston Villa"da (İngiltərə), Reşford "Barselona"da (İspaniya), Höylund isə "Napoli"də (İtaliya) icarədədir.
Qeyd edək ki, "Mançester Yunayted" 12 oyundan sonra 18 xalla İngiltərə Premyer Liqasının turnir cədvəlinin 10-cu pilləsində qərarlaşıb.
