ABŞ Prezidenti Donald Tramp iyunun 22-də İranın Fordo, Natanz və İsfahan nüvə obyektlərinə endirilən hava hücumlarında istifadə edilən B-2 bombardmançılarının əlavə sifarişini verib.
Missiya.Az xəbər verir ki, Tramp B-2 təyyarələrinin “tamamilə görünməz” olduğunu vurğulayıb və bu təyyarələrlə həyata keçirilən hücumun İranın nüvə potensialını tamamilə məhv etdiyini bildirib.
Tramp əlavə edib ki, ABŞ onsuz da malik olduğu B-2 bombardmançılarına əlavə olaraq “çoxlu sayda” yeni təyyarə sifariş edib.
Qeyd olunur ki, iyunun 22-də B-2 gizli bombardmançı təyyarələrindən atılan raketlərlə İranın nüvə obyektləri hədəfə alınıb. Raketlərin uzunluğu təxminən 6 metrdir və onlar yerin onlarla metr altında zərər verə biləcək gücə malikdir.
Seyranə QuliyevaMissiya.Az
