Rusiyada “WhatsApp”a qarşı sistematik olaraq məhdudlaşdırıcı tədbirlər tətbiq ediləcək.
Yeniavaz.com xəbər verir ki, bu barədə Roskomnadzor məlumat yayıb.
Bildirilib ki, bunun səbəbi mesajlaşma proqramının Rusiya qanunlarını pozmaqda davam etməsidir:
“Mesajlaşma proqramı ölkədə terror aktlarının təşkili və həyata keçirilməsi, cinayətkarların cəlb edilməsi, vətəndaşlarımıza qarşı dələduzluq və digər cinayətlərin törədilməsi üçün istifadə olunur”.
Agentlik xəbərdarlıq edib ki, mesajlaşma proqramı qanuni tələblərə əməl etməsə, Rusiyada tamamilə bloklanacaq.
Roskomnadzor həmçinin ruslara milli platformalara keçməyi tövsiyə edib.
