Gəncədə maşın ağaca çırpılıb. Avtosfer.az-ın "Bizim.Media"ya istinadən məlumatına görə, hadisə şəhərin Eminbəyli küçəsində baş verib. Hərəkətdə olan "Hyundai" markalı avtomobilin sürücüsü, 2003-cü il təvəllüdlü Nuran Nurlan oğlu Hacıyev idarəetməni itirməsi nəticəsində nəqliyyat vasitəsi ağaca çırpılıb. Sonra zərbənin təsirindən avtomobil aşıb. Xoşbəxtlikdən xəsarət alan olmasa da maşına ciddi ziyan dəyib. Faktla bağlı araşdırma aparılır.
