ain.az, Yenisabah portalından verilən məlumatlara əsaslanaraq xəbər verir.
NASA-nın “Perseverance” adlı robotik gəziricisi Marsda ilk dəfə olaraq mikro-şimşək səslərini qeydə alıb.
“Yeni Sabah” xəbər verir ki, alimlər bu qeydi Qırmızı Planetlə bağlı gələcək tədqiqatlar üçün əhəmiyyətli dönüş nöqtəsi kimi qiymətləndirirlər.
Tədqiqatçılar robotun ümumilikdə 55 belə səs yazısı topladığını və hadisənin elektrostatik parazitlərlə əlaqəli ola biləcəyini bildiriblər. Məlumata görə, Mars atmosferinin Yer atmosferindən 100 dəfə daha seyrək olması səbəbindən bu elektrik partlamaları çox daha zəif olur.
Qeyd edək ki, 2021-ci ildə Marsa enən avtomobil ölçüsündəki “Perseverance” gəzicisi həm yüksək keyfiyyətli görüntülər, həm də qayalıq və digər material nümunələri toplayaraq planetin tərkibi və mümkün həyat izləri barədə araşdırmalara davam edir. Bu səslərin qeydə alınması isə Marsın indiyə qədər naməlum qalan xüsusiyyətlərini üzə çıxarmağa imkan verə bilər.
Aytac Əliyeva
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
