ain.az, Apa.az portalından verilən məlumatlara əsaslanaraq xəbər verir.
100 ən böyük silah istehsalçısının gəlirləri ötən il rekord həddə - 679 milyard dollara çatıb ki, bu da 2023-cü illə müqayisədə 5,9% artım deməkdir.
APA xəbər verir ki, bu barədə Stokholm Beynəlxalq Sülh Araşdırmaları İnstitutunun (SIPRI) qlobal silah ticarəti ilə bağlı son hesabatında deyilir.
Hesabatda bildirilib ki, ölkələrin arsenallarını genişləndirmək və sürətlə modernləşdirmək istəyi fonunda 100 ən böyük silah istehsalçısının ümumi gəlirlərində kəskin artım qeydə alınıb.
Ukrayna və Qəzzada hərbi münaqişələr, qlobal və regional geosiyasi gərginliklər və davamlı olaraq artan hərbi xərclər səbəbilə artan tələbat fonunda qlobal silah satışından əldə edilən gəlirlər 2024-cü ildə kəskin şəkildə artıb.
2018-ci ildən bəri ilk dəfə olaraq, ən böyük beş silah şirkətinin hamısı məhsullarının satışından əldə etdikləri gəlirləri artırıb.
Avropa və Amerika şirkətləri artımın əsas hissəsini təşkil etsə də, illik artım dünyanın ilk 100-lükdə təmsil olunan bütün bölgələrində müşahidə olunub.
Hadisənin gedişatını izləmək üçün ain.az saytında ən son yeniliklərə baxın.
