Bizim media portalından əldə olunan məlumata əsasən, ain.az xəbər verir.
Duş başlığından gələn ilk su axını təkcə təravət deyil, bütöv bir mikrob mənbəyi də hesab olunur. Şlanqların və başlıqların içində rütubət, istilik və plastikdən və sudan gələn zərərli maddələr hesabına bioplyonkalar — bakteriyaların yapışqan koloniyaları yaranır.Bizim.Media xəbər verir ki, araşdırmanın nəticələri Pitsburq Universiteti, Eawag və ABŞ Xəstəliklərə Nəzarət və Qarşısının Alınması Mərkəzləri (CDC) tərəfindən hazırlanıb.Alimlərin məlumatına görə, duş şlanqlarında mikrobların miqdarı hər kvadrat santimetrə yüz milyonlarla hüceyrəyə çata bilər.
Onların arasında zərərsiz mikroorqanizmlər olduğu kimi, Legionella pneumophila (leqioner xəstəliyinin törədicisi) və müxtəlif mikobakteriyalar kimi ağciyər infeksiyasına səbəb ola bilən patogenlər də var. Böyük Britaniya və ABŞ-da aparılan araşdırmalar göstərib ki, duşlarda patogen mikrobların səviyyəsi iqlimdən və suyun növündən asılıdır: isti və xlorlu sistemlərdə bakteriyalar daha sürətlə çoxalır.
İsveçrə Federal Su Elmləri və Texnologiyaları İnstitutunun (Eawag) mikrobioloqu Frederik Hammes bildirir ki, xüsusilə immun sistemi zəif olan insanlar üçün yoluxma riski daha yüksəkdir, xüsusən də duş nadir hallarda istifadə olunursa.Mütəxəssislər sadə profilaktik tədbirlər tövsiyə edirlər:Duşu yuyunmazdan əvvəl 1–2 dəqiqə açıq saxlamaq — bioplyonkanı yumaq üçün;Başlığı mütəmadi təmizləyib dezinfeksiya etmək, məsələn, limon suyunda isladaraq;Şlanqda suyun uzun müddət qalmasına yol verməmək;Su qızdırıcısında isti suyun temperaturunu ən azı 60°C səviyyəsində saxlamaq.Alimlər vurğulayırlar ki, mikroblardan tamamilə qurtulmaq mümkün deyil, lakin müntəzəm qulluq və düzgün profilaktika duşun həm təravətli, həm də təhlükəsiz olmasına kömək edir.Bizim.Media
Hadisənin gedişatını izləmək üçün ain.az saytında ən son yeniliklərə baxın.
