Harvard Universitetində aparılan bir araşdırma göstərib ki, gündə 1-3 fincan kofeinli qəhvə içən qadınlar daha sağlam şəkildə yaşlana bilər.
Ölkə.az xarici KİV-ə istinadla xəbər verir ki, tədqiqatçılar bu təsirin qəhvədəki antioksidantlar və digər maddələrlə əlaqəli olduğunu bildirir.
Gündə 2,5 fincana qədər qəhvə istehlakının, xüsusilə orta yaşlı qadınlarda ürək-damar xəstəlikləri riskini azaltdığı və 2-ci tip diabetin qarşısını almaqda effektiv rol oynadığı bildirilir.
Lakin qəhvənin faydasının ümumi sağlam həyat tərzinin bir hissəsi kimi qiymətləndirilməli olduğunu vurğulayırlar.
Harvard araşdırmasına görə, kola və enerji içkiləri kimi digər kofein mənbələri yaşlanma prosesi üzərində müsbət təsir göstərmir. Hətta bu içkilərdən gündə cəmi bir stəkan içmək belə sağlam yaşlanma ehtimalını 19% azalda bilir.
Həmidə İbrahimova
