ain.az, Konkret.az portalına istinadən məlumat verir.
NATO-nun Norveçin şimalındakı Andoya adasındakı aviabazası texniki problemlərlə əlaqədar bağlanılıb.
KONKRET.az xəbər verir ki, bu barədə “Forsvarets forum” məlumat yayıb.
“Aviabaza komandiri, polkovnik-leytenant Eysteyn Dahlberq uçuş-enmə zolağında beton çatlar, torpaq eroziyası olduğundan hərbi obyektin bağlanmasına qərar verib. Bu şəraitdə uçuşlar pilotlar və təyyarələr üçün təhlükə hesab edilib”, – deyə məlumatda bildirilir.
Xəbərdə qeyd olunur ki, sözügedən aviabaza 2016-cı ildən NATO qüvvələrinə dəstək bazası və alternativ aerodrom kimi istifadə edilib.
Aerodromun bağlanması qərarından sonra bazanın funksiyaları Norveçin şimalındakı digər obyektlərə həvalə olunacaq.
Daha ətraflı məlumat və yeniliklər üçün ain.az saytını izləyin.
