Qafqazinfo saytından əldə olunan məlumata görə, ain.az məlumat yayır.
ABŞ prezidenti Donald Tramp ölkəsinin Rusiya-Ukrayna münaqişəsinə maliyyə dəstəyini dayandırdığını bəyan edib.
“Qafqazinfo” xəbər verir ki, o, bu barədə ABŞ federal hökumətinin iclasında çıxışı zamanı danışıb.
“Bilirsiniz ki, hazırda Rusiya və Ukrayna arasındakı müharibə ilə bağlı böyük problemimiz var və bizim insanlar bunu həll etməyə çalışırlar. Biz artıq bu müharibədə maliyyə cəhətdən iştirak etmirik. Co Bayden 350 milyard dolları “konfet kimi paylayıb”. Bu, böyük məbləğdir və hissə-hissə, bir qismi nağd, digər qismi isə silah şəklində paylanılıb”, – deyə o söyləyib.
Yeni siyasətlərindən danışan Tramp heç bir şeyi havayı vermədiyini də vurğulayıb:
“Biz silahları NATO-ya təqdim edirik. Avropa ölkələri silahların dəyərinin 100 faizini bizə ödəyir, sonra isə onları Ukraynaya ötürürlər, ya da istədikləri hər şeyi edirlər. Mən səkkiz müharibəni həll etmişəm. Bu, doqquzuncusu olacaq və vəziyyəti nizamlaya biləcəyimizi anlamaq üçün bizim insanlarımız indi Rusiyadadırlar”.
Hadisənin gedişatını izləmək üçün ain.az saytında ən son yeniliklərə baxın.
