Braziliyalı sürücü Lucas di Grassi futuristik elektro-superkar DGR-Lola Concept üzərində işləyir. AzPost bildirir ki, avtomobil Formula-1 bolidlərini dövrələr üzrə qabaqlaya biləcək potensiala malikdir.
Di Grassi qeyd edir ki, əsas məqsəd realist fizika və mühəndislik həllərindən istifadə etməkdir. Avtomobilin aerodinamika sistemi ventilyatorlar və difüzorlarla təchiz olunub. Bu, həm yüksək səmərəlilik, həm də enerji qənaəti təmin edir.
Batareya modulları diqqətlə yerləşdirilib, çəkini mərkəzə yaxınlaşdırır və idarəetməni artırır. Aktiv aerodinamika sayəsində avtomobil aşağı sürətli döngələrdə belə 3G qüvvəsində sabit yapışma göstərir.
Avtomobil qapalı təkərlər və minimal yan radiatorlarla təhlükəsizliyi artırır. Monegko Qran-Prisində DGR-Lola hazırkı texnologiya ilə Formula-1 bolidindən 4,3 saniyə sürətlidir. Texnologiya inkişaf etdikcə bu fərq 11 saniyəyə çata bilər.
Di Grassi layihəyə 100 saatdan çox şəxsi vaxt sərf edib və yaxın iki ildə avtomobili real şəraitdə sınaqdan keçirməyi planlaşdırır. O, ideyaların gələcəkdə digər yarış avtomobillərində də istifadə olunacağını istisna etmir.
