38 ölkənin Rusiyaya borcu ötən il 33,1 milyard dollara yüksəlib ki, bu da 1998-ci ildən bəri ən yüksək səviyyədir...
Poliqon xəbər verir ki, bu barədə RİA Novosti Dünya Bankının məlumatlarına istinadən yazıb.
Bu rəqəmin 2024-cü ildə 2,6 milyard dollar artaraq 33,1 milyard dollara çatdığı dəqiqləşdirilir. Rusiyaya borc sonuncu dəfə bu həddi 1998-ci ildə keçib və o zaman 38 milyard dollara çatıb.
Hazırda 38 ölkənin Rusiyaya borcu var. Banqladeş 2024-cü ildə ən çox borcalan olub və borcu il ərzində 1,2 milyard dollar artıb.
Misir borcunu 815 milyon dollar, Hindistan isə 799 milyon dollar artırıb. Özbəkistan borcunu daha təvazökar şəkildə - 39 milyon dollar, Əfqanıstan 17 milyon dollar, Yəmən 7 milyon dollar və Şri-Lanka 3 milyon dollar çoxaldıb.
Belarus borcunu ən çox 125 milyon dollar azaldıb.
Poliqon.info
