ain.az xəbər verir, futbolpress-az saytına əsaslanaraq.
“Zirə” Azərbaycan Kubokunun 1/8 final mərhələsində “Neftçi”ni mübarizədən kənarlaşdırıb – 2:1.
“Qartallar”ın futbolçusu Ange Mutsinzi matçla bağlı “Futbolpress.az“ın suallarını cavablandırdı…
– Qələbəni necə şərh edərdin?
– Yaxşı qələbə oldu. “Neftçi” kimi komandaya qarşı layiqli qalibiyyət əldə etdik. Həm sevincliyəm, həm də qürurluyam. Komanda olaraq sona qədər döyüşdük, mübarizə apardıq. Bu qələbə haqqımız idi.
– 120 dəqiqəlik ağır oyundan sonra növbəti matç “Qarabağ”a qarşı olacaq. Bərpa olunmaq çətin olmayacaq?
– Düşünürəm ki, asan olmayacaq. Çünki “Neftçi” zəif rəqib deyildi və ağır mübarizəli oyun oldu. Buna baxmayaraq, qısa zamanda toparlanmalıyıq. “Qarabağ”la oyunda yaxşı nəticə üçün əlimizdən gələni edəcəyik.
– “Qarabağ”ın sizdən sonra Çempionlar Liqasında “Ayaks”la mühüm oyunu var. Bu, sizə hansısa üstünlük qazandıracaq?
– Düşünmürəm. “Qarabağ”ın yaxşı və geniş heyəti var. Həm burda, həm Çempionlar Liqasında yaxşı mübarizə aparırlar. Bəlkə, bizimlə oyun “Ayaks”a üstünlük qazandırar.
– Həm Liqada, həm Kubokda yola davam edirsiniz. Seçim şansınız olsaydı, liqada gümüş medalları, ya kubokda titul qazanmağı seçərdiniz?
– Hər ikisini qazanmaq əla olardı. Amma seçim etməli olsam, Premyer Liqada mükafatçılar arasında olmağı seçərdim.
– Ötən mövsüm ikinci oldunuz. Bu mövsümkü komanda ilə ötənilkini necə müqayisə edərdiniz?
– Hər il artırırıq. Düşünürəm ki, bu il daha yaxşıyıq və komandalar olaraq bütün komponentlərdə inkişaf etmişik.
Şahin Cəfərov
Ən son xəbərləri və yenilikləri almaq üçün ain.az saytını izləyin.
