ain.az bildirir, Reyting.az saytına əsaslanaraq.
Ukrayna Milli Antikorrupsiya Bürosu (NABU) və Xüsusi Antikorrupsiya Prokurorluğu (SAPO) Təhlükəsizlik Xidməti ilə birlikdə cinayətkar qrup aşkar ediblər. İş ukraynalı millət vəkili ilə bağlıdır. O, aşkar edilmiş cinayətkar qrupa rəhbərlik edib.
Reyting.az xəbər verir ki, bu barədə Ukrayna mətbuatı yazıb.
“Prioritet istintaq hərəkətləri davam edir. Təfərrüatlar daha sonra açıqlanacaq”, - NABU əlavə edib.
“Ukrainska Pravda” nəşri hüquq-mühafizə orqanlarındakı mənbələrinə istinadla bildirir ki, sözügedən şəxs “Gələcək naminə” partiyasından olan parlament üzvü Hanna Skoroxoddur.
Mənbələrə görə, Skoroxodun evində axtarış aparılır; o, böyük məbləğdə rüşvət almaqda şübhəli bilinir. Parlament üzvü ilə birlikdə iş adamından 250.000 dollar tələb etdiyi sənədləşdirilib.
Skoroxod özü də axtarışları təsdiqləyib. O sosial şəbəkədə yazıb ki, evində istintaq hərəkətləri aparılır. , Skoroxod bunu müxalifətə “birbaşa təzyiq” adlandırıb.
“Gizlədəcək heç nəyim yoxdur; fəaliyyətim göz qabağındadır. Lakin bu hadisələrin vaxtı və konteksti birmənalı nəticələrə gətirib çıxarır: mən bunu müxalifətə birbaşa təzyiq və prinsipial mövqeyimə görə siyasi fəaliyyətimi bloklamaq cəhdi kimi görürəm”, - deyə o qeyd edib.
V. QULİYEV
Sonrakı hadisələr barədə daha çox məlumat almaq üçün ain.az saytını izləyin.
