Dünya futbolunun ulduzu Lionel Messi 2026-cı il Dünya Çempionatı ilə bağlı açıqlama verib. O, Argentina millisinin titulu yenidən qazanmaq üçün çalışacağını, lakin bunun əvvəlki illərdən daha çətin olacağını bildirib. Vətəninfo.az xəbər verir ki, bu barədə ESPN məlumat yayıb.
Messinin sözlərinə görə, DÇ-2022-də əldə olunan qələbə komandanın üzərindəki böyük təzyiqi aradan qaldırıb:
“2026-cı ildə yenidən Dünya Çempionatının qalibi olmağa çalışacağıq. Amma bu, çətindir: istənilən xırda detal sizi mübarizədən kənarda qoya bilər. 2022-ci ildə qazandığımız qələbə çiyinlərimizdən böyük bir yük götürdü.”
Ulduz futbolçu rəqiblərin gücünü də xüsusi vurğulayıb:
“İspaniya, Fransa, İngiltərə milliləri çox güclüdürlər, Braziliya uzun illərdən sonra titulu qazanmaq istəyir. Almaniyanı da unutmayaq.”
Messi 2026 mundialının əvvəlkilərdən daha rəqabətli keçəcəyini bildirib.
