Qaynarinfo portalından verilən məlumata görə, ain.az xəbər yayır.
"Мortal Kombat”, "Planet of the Apes” və "Kiçik Tokioda böyük atışma” filmlərindəki rolları ilə tanınan yapon əsilli amerikalı aktyor Keri-Xiroyuki Taqava vəfat edib. O, 75 yaşında idi.
Qaynarinfo "Independent”ə istinadla xəbər verir ki, aktyor dünən — 4 dekabrda Santa-Barbarada ailəsinin yanında dünyasını dəyişib. Menecerinin sözlərinə görə, ölüm səbəbi insultdan sonra yaranan ağırlaşmalar olub.
Keri-Xiroyuki Taqava Yaponiyada anadan olub. Aktyor karyerasına 1986-cı ildə "Big Trouble in Little China” filmində kütləvi səhnədə iştirak etməklə başlayıb. Uzun müddət əsasən mənfi personajların epizodik rollarını canlandırıb.
Təxminən 40 illik karyerası ərzində kino və seriallarda 150-dən çox rolu olub. 2015-ci ilin noyabrında Taqava Urban Action Showcase & Expo festivalında döyüş və ekşn janrına göstərdiyi əhəmiyyətli töhfəyə görə xüsusi mükafat alıb.
Onu da xatırladaq ki, aktyor Moskvada pravoslav xaç suyuna çəkilmiş və Rusiya vətəndaşlığı almışdı.
Alpər
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
