Bakı, 5 dekabr, AZƏRTAC
NATO-nun bəzi ölkələrində qeyri-avropalı əhalinin artması uzunmüddətli perspektivdə onların Birləşmiş Ştatlarla müttəfiqliyinə yenidən baxılmasına səbəb ola bilər.
AZƏRTAC xəbər verir ki, bu barədə Ağ Evin dərc etdiyi ABŞ-ın yenilənmiş Milli Təhlükəsizlik Strategiyasında deyilir. “Uzunmüddətli perspektivdə bəzi NATO ölkələrinin əhalisi əsasən qeyri-avropalı olacaq. Ona görə də belə bir sual yaranır: onlar NATO Nizamnaməsini imzalayan dövlətlər kimi öz yerlərini və ABŞ-la müttəfiqlik əlaqələrini qəbul edəcəklərmi?” - deyə sənəddə bildirilir.
