Rusiya və Hindistan rəqəmsal valyutaları birləşdirmək niyyətindədirlər.
Newscenter.az TASS-a istinadən bildirir ki, Rusiya Prezidenti Vladimir Putin və Hindistan Baş naziri Narendra Modi arasında danışıqlardan sonra verilən birgə bəyanata görə, ölkələr ticarəti dəstəkləmək üçün milli valyutalardan istifadə etməklə ikitərəfli hesablaşma sistemlərinin inkişafını davam etdirmək barədə razılığa gəliblər.
Rusiya Prezidenti Vladimir Putin və Hindistan Baş naziri Narendra Modi arasında danışıqlardan sonra verilən birgə bəyanatda bildirilib ki, Moskva və Yeni Dehli ödəniş sistemlərini və rəqəmsal valyuta platformalarını birləşdirmək üçün işlərini davam etdirəcəklər.
Tərəflər ikitərəfli ticarəti sorunsuz şəkildə dəstəkləmək üçün milli valyutalardan istifadə etməklə ikitərəfli hesablaşma sistemlərinin birgə inkişafını davam etdirmək barədə razılığa gəliblər. Bundan əlavə, tərəflər milli ödəniş sistemlərinin və maliyyə mesajlaşma sistemlərinin, eləcə də mərkəzi bankın rəqəmsal valyuta platformalarının birləşdirilməsi ilə bağlı məsləhətləşmələri davam etdirmək barədə razılığa gəliblər.
Cavid
